Яшел Үзәндә юл хәрәкәте иминлеге комиссиясе утырышы узды
Киңәшмә барышында ЮХИДИнең Зеленодольск районы буенча бүлекчәсе начальнигы Рамил Идиятуллин агымдагы елның гыйнвар һәм февраль айларындагы эшкә йомгак ясады:
"Ел башы статистикасы борчулы динамика күрсәтә. Ике ай эчендә шәһәр һәм район территориясендә 8 юл-транспорт һәлакәте теркәлгән. Һәлакәтләр нәтиҗәсендә 4 кеше һәлак булды һәм 7 кеше төрле дәрәҗәдәге тән җәрәхәтләре алды".
Узган елның шул ук чоры белән чагыштырганда юл - транспорт һәлакәтләре саны 3 очракка арткан (+60%), һәлак булучылар саны - 4 кешегә (+100%), яралылар саны-2 кешегә (+40,5%).
Утырышта исерек килеш транспорт белән идарә итү проблемасына аерым игътибар бирелде. Елның беренче ике аенда гына да ЮХИДИ хезмәткәрләре тарафыннан 41 исерек машина йөртүче тоткарланган.
❗ ️ Әгәр сез исерек машина йөртүчене күрсәгез, бу хакта 8(84371) 4-47-04 дежур часте телефоны аша хәбәр итегез яки аноним @gibddzelbot боты ярдәмендә ЮХИДИ хезмәткәрләренә языгыз.