Раифа укыту-тәрбия учреждениесендә тәрбияләнүчеләр "ПОЗиС" компаниясенең югары технологияле производствосы белән таныштылар
«Турникетсыз атна» бөтенроссия профориентация акциясе кысаларында Ростех дәүләт корпорациясе Позисында (Россия машина төзүчеләр берлегенә керә) ябык типтагы Раифа укыту-тәрбия учреждениесендә тәрбияләнүчеләр булды. Балалар өчен заводның төп җитештерү мәйданчыкларына экскурсия оештырылды.
Кунакларга заманча суыткыч производствосын күрсәттеләр, анда алар POZIS бренды астында җитештерелә торган суыткыч техникасының өр-яңа үрнәкләре белән таныштылар. Яшьләрдә машина төзелеше бүлекчәсенә бару аеруча зур кызыксыну уятты. Предприятие хезмәткәрләре заводның сәнәгать потенциалы, кирәкле технологик процесслар һәм яшь белгечләр өчен карьера үсеше мөмкинлекләре турында җентекләп сөйләделәр. Әңгәмә барышында укучылар реаль производствоны күреп кенә калмыйча, учреждениедә үзләре өйрәнә торган һөнәрләр - механика җыю эшләре слесаре һәм токарь белән «эчтән» таныша алдылар.
Балалар диалогка актив кушылдылар: станокларда эшләү үзенчәлекләре, хезмәт шартлары, производство практикасын узу һәм белем алганнан соң эшкә урнашу перспективалары турында сораулар бирделәр.
Экскурсия Татарстан яшьләре арасында инженер-эшче һөнәрләрен популярлаштыруда тагын бер адым булды.