Заводта беренче сыйныф укучылары
«Турникетларсыз атна» Бөтенроссия акциясе кысаларында 9 нчы лицейның 30дан артык беренче сыйныф укучысы "ПОЗиС"компаниясендә булды.
Танып-белү экскурсиясе балаларны завод эшчәнлеге белән таныштыру өчен оештырылды, анда аларның күбесенең әти-әниләре эшли. Визит барышында беренче сыйныф укучылары суыткыч производствосында булдылар. Балалар техниканы җыю һәм аның сыйфатын тикшереп торуның төрле этапларында предприятие хезмәткәрләренең эшен кызыксынып күзәттеләр.
Маршрутның икенче ноктасы заводның шоу-румы булды. Күргәзмә киңлегендә балаларга POZIS суыткыч техникасының актуаль модельләрен һәм яңалыкларын күрсәттеләр. Предприятие белгечләре заманча агрегатларның үзенчәлекләре, аларның функцияләре һәм технологик чишелешләре турында сөйләделәр.
- Мондый очрашулар-һөнәри юнәлеш бирүнең һәм хезмәткә хөрмәт тәрбияләүнең мөһим өлеше. Бала ата-анасының кайда һәм ничек эшләвен күргәч, ул гаилә белән горурлана һәм һәр эшләнгән әйбернең кыйммәтен аңлый башлый. Без аларга заводта эшләүнең заманча, ышанычлы һәм бик кызыклы булуын күрсәтергә шатбыз, - дип шәрехләде социаль һәм яшьләр проектлары идарәсе башлыгы Дарья Любавина.