Төп максат – Яшел Үзән гүзәллеген бөтен дөньяга күрсәтү

Яшел Үзәндә шәһәр фотографияләре бәйгесе башланды. Идея “Татарстан инициативалары картасы”ннан алынды, ә эшлекле дүшәмбе киңәшмәсендә район башлыгы Александр Тыгин бу идеяне күтәреп алды.

Бәйгене оештыручылар төрле кешеләр тарафыннан төшерелгән фотографияләрне бергә җыеп, зур күргәзмә оештырырга җыена. Моның өчен фотоны “Вконтакте” стенасында яки Instagramда #любимыйзеленодольск хэштегы белән эләргә кирәк, фото автоматик рәвештә фотоконкурс төркеменә килеп керә. Төп максат - шәһәребезнең никадәр матур булуын бөтен дөньяга күрсәтү, диләр оештыручылар.