Үзенә – 70 яшь, комбайнына – 30 ел

«Күгәй» күмәк хуҗалыгын Наил Гаффаровтан башка күз алдына китерүе авыр. «Киләсе елга үземә – 70 яшь, яраткан комбайныма 30 ел була, бергә картаябыз», – ди ул.

Картаябыз диюе, шаярту гына инде. Хуҗалыкның техника паркында Наил абыйның ничекләр йөгереп йөргәнен күрсәгез икән, сөбханаллаһ, күз тимәсен. Егетләрне дә уздыра әле ул! «Нива» комбайнына ничә менеп, ничә төшәдер. Хәер, бу комбайн – үзе бер тарих, антиквариат. Мондый комбайнны хәзер кырда очратам димә. Ә Наил абый үзенең техникасын бернинди чит илдә эшләнгән, күз күрмәгән, колак ишетмәгәннәргә алыштырмый. «Нива»сы исән булсын.