“Яшел Үзәндә – “Прайм-лига”
12 июнь – Россия көнендә Татарстан район һәм шәһәрләрендә футбол матчлары була.
“Прайм-лига” Татарстанда 2011 елда РФ Дәүләт Думасына сайлаулар вакытында оешкан иде.
“Узган җәйдә без “Прайм –лига”ны җирле органнарга депутатлар сайлауда праймериз нәтиҗәләре буенча уздырган идек. Быел да традицияне дәвам итәргә уйладык һәм кандидатларыбызга лидерлык өчен көрәшне дебатларда түгел, ә бәлки, футбол кырында уздырырга тәкъдим иттек”, – ди “Бердәм Россия” сәяси партиясенең төбәк бүлегенең башкарма комитеты рәисе Андрей Кондратьев.
Прайм-лига матчы 12 июньдә Татарстан район һәм шәһәрләрендә узачак. Яшел Үзән районында уен Васильево бистәсендә 10 сәгатьтә башлана. Матчка стартны “Бердәм Россия” сәяси партиясенең Яшел Үзән бүлеге башкарма комитеты җитәкчесе Екатерина Пиликова бирә.