Яшел Үзәнлеләр Кырымга юллама белән бүләкләнгән

Федоровлар гаиләсе республикада барган санитар ике айлыкта уңышлы нәтиҗәләр күрсәтеп, «Экогаилә» бәйгесендә беренче урынны яулады.

Аларны Кырымга юллама белән бүләкләделәр. Эльвира белән Роман Федоровлар балалар бакчасында оештырган генераль җыештыру чын мәгънәсендә бәйрәмгә әйләнгән. Бу көнне балалар бакча территориясен җыештырырга төрле пакетлар, пластик савыт-саба, кәгазьләрдән ясалган махсус костюмнардан килгән. Федоровлар ел саен Яшел Үзәндәге Каракүл яры буен да чистарталар икән.