Урып-җыю төгәлләнә

Авыл хуҗалыгында эш гөрли, урып-җыю тиздән безнең районда да тәмамланачак.

Районның авыл хуҗалыгы һәм азык-төлек идарәсеннән алынган мәгъ­лүматлар буенча, 18 августка уракның 89%ы төгәлләнгән иде. Барлыгы 36650 тонна уңыш җыеп алынган. Уңыш гектарыннан 25,7 ц чыга. Урып-җыю күп кенә хуҗалыкларда инде беткән булса, ВЗП «Заволжья», «Тау Иле» хуҗалыгы финишка якынлаша. Бу атнада район хуҗалыклары көзге чәчүгә дә кереште. 18 августка 900 г арыш, 100 г көзге бодай чәчелгән иде.