Яшел үзәнлеләргә социаль яклау турында мәгълүмат
«Яшел Үзән район үзәк дәваханәсе» ГАУЗ җитәкчелеге инвалидлык группасы булган кешеләргә шуны җиткерә: социаль хезмәтләр җыелмасын алуга гариза язар өчен Пенсия фондына 2016 елның 1 октябренә кадәр мөрәҗәгать итәргә кирәк.
Бу җыелмадан баш тартмавыгызны сорыйбыз, чөнки Сезнең авыруны дәвалау компенсациядән кыйммәткә төшүе ихтимал, ә җыелманы кире кайтару 2017 елда гына мөмкин булачак. Ягъни сезнең гаризаны 2017 елның 1 октябреннән соң гына карый алачаклар.
Өстәмә рәвештә тагын шуны да хәбәр итәбез, социаль җыелмадан баш тартмаучылар һәм хокукларын 2016 елның 1 октябренә кадәр торгызучылар өчен Яшел Үзән район үзәк дәваханәсе чираттан тыш бушлай комплекслы тикшерүләр үткәрә (хатын-кызлар өчен: маммография + җенси органнарга УЗИ һәм кирәк булса, профильле белгечләрдән консультацияләр). Комплекслы тикшеренү узар өчен Яшел Үзән шәһәренең К.Маркс урамындагы 5нче йортта урнашкан консультатив-диагностика поликлиникасы регистратурасына мөрәҗәгать итәргә һәм үзең белән паспорт, полис, СНИЛС һәм социаль хезмәтләрне кире кайтаруны дәлилләүче документ (аны гариза биргәндә Пенсия фонды бирәчәк) алып килергә кирәк.