Васильево янындагы "Идел киңлекләре" табигать тыюлыгында браконьерларны тоткарлаганнар

2020 елның 9 октябре, җомга

Территорияне патрульләгәндә, 8 октябрьдә кичке сәгать тугызлар тирәсендә, тыюлык белгечләре ике пассажирлы резина көймә тоткарлыйлар, аларның берсе - Мәскәү кешесе, икенчесе - Югары Ослан районыныкы.

Махсус җиһазлар – электр кармагы һәм биш очлы су асты мылтыгы белән ир-атлар төрле төрдәге 30 дан артык балык тотканнар.

- Урынга килгән полиция хезмәткәрләре беркетмә төзегәннәр, тоткан балыкларын, браконьерларның транспорт чарасын һәм законсыз балык тоту коралларын тартып алганнар. Хәзер әлеге факт буенча җинаять эше ачу мәсьәләсе хәл ителә, - дип сөйләде "Идел киңлекләре" заказнигының әйдәп баручы белгече Анатолий Молюшкин.