Яшел Үзәндә "Чиста булачак" («Будет чисто») берләшмәсенең яңа составы очрашуы булды

Аны "Порт" яшьләр үзәгендә уздырдылар. Җыелышта балалар бер-берсе белән танышты, шулай ук алар катнашкан башка экологик чаралар турында тәэсирләре белән уртаклашты. Яшьләр 2021-2022 елга эш планын кабул итте. - Яшел Үзән бүлеге эшчәнлегенең төп юнәлешләреннән берсе, әлбәттә, экологик белемнәр дәресләре. Студентлар һәм мәктәп укучылары белән эш алып барыла. Алар белән бергә өмәләр һәм төрле экологик акцияләр үткәрәбез, - дип уртаклашты "Будет Чисто" РМОО Яшел Үзән бүлекчәсе кураторы Анна Баймяшкина.