ЯҢАЛЫКЛАР

Россия Федерациясе Эчке эшләр министрлыгы җәяү йөрүчеләргә үзләре белән яктылыкны кире кайтаручы әйбер йөртергә мәҗбүр итмәкче һәм шуның белән машина йөртүчеләргә уңайлылык тудырмакчы.

1 февральдән республика халкы транспорт картасын кайда сатып алуга карамастан куллана ала.

9нчы лицейда Онегин укулары булды. Анда Түбән Новгород, Мгадан, Казан кебек шәһәр мәктәпләреннән килгән укучылар чыгыш ясады.

ТР Иҗтимагый палатасы ТР Муниципаль берлекләр советы белән бергә “Иң яхшы Яңа ел чыршысы” бәйгесе игълан иткән иде.

Татарстанда елгада тиз йөрүче судноларны эшкә җигәргә уйлыйлар. Җәй көне казаннан Ульянга, Тольяттига, Чабаксарга, Самара һәм Түбән Новгородка “метеорлар”ны җибәрмәкчеләр. ТР Транспорт һәм юл хуҗалыгы министрлыгы коллегиясендә министр Ленар Сафин пассажир флотына ярдәм итү буенча федераль программа эшләү тәкъдиме белән чыкты.

Салкын кыш үзенекен итә. Бу араларда һава температурасы көннән-көн төшә. Кайбер авыл җирлекләрендә, шәһәрдән аермалы буларак, терекөмеш баганасының утыздан шактый гына аска төшкән урыннары бар.

Мәскәү – Казан тиз йөрешле магистраль төзелеше проекты, хөкүмәт тикшерүен үтү һәм тормышка ашырыла башлау өчен, тулысынча әзер. Тиз йөрешле тимер юлны 2018 елда сафка бастырырга планлаштырыла.

Яшел Үзәндә 515 кешегә эшсез дигән статус бирелгән. Бу Яшел Үзән районында эшсезләрнең гомуми санының 60 проценты. 2013 елда рәсми рәвештә 1954 кеше эшсез буларак теркәлгән.

2014 елның 25 гыйнварында Яшел Узән муниципаль районы башкарма комитеты ГХАТ бүлегендә Виктор Николай улы һәм Нина Иван кызы Емелиннар 50 еллык бәйрәмен–Алтын туйларын билгеләп уттеләр.

Яшел Үзән эчке эшләр бүлегендә 2013 елга нәтиҗә ясалды. Ел җиңелләрдән булмаса да, хезмәткәрләр зур чаралар уздырганда җәмәгать тәртибен нык саклаган. Универсиада барганда да гражданнарның һәм кунакларның иминлеге тәэмин ителгән. Бүлекнең эффектив эшчәнлеге буенча республикада III урынга чыгуы мәгълүм чынбарлык.